Savalimmiormiullu pisassanik ima paarlaasoqarpoq
Kalaallit Nunaat Savalimmiullu ukiut tamaasa aalisakkanik pisassiissutinik paarlaattarput. Kalaallit Nunaat saarullernanik pisassaqalertarpoq, Savalimmiut saarullittassaqalersartut
Ukiuni kingullerni nunatta kangiata imartaani saarullittassat Savalimmiunut tunniunneqartartut amerliartupiloornerat sunik tunngaveqarnersoq Henrik Fleischer aalisarnermut naalakkersuisumut Erik Jensenimut apeqquteqarpoq.
Savalimmiunul aalisagartassanik tunniussisoqartanngimmatsoq, kisiannilu ukiut tamaasa tunngaviusumik aalisarneq pillugu isumaqatigiissut aallaavigalugu illuatungeriilluni aalisagartassanik paarlaasseqaligiittoqartartoq Erik Jensenip nassuiarpaa.
Tassami Kalaallit Nunaat saarullernanik 23.315 tonsinik pisassaqartartoq ilisimatitsissutigineqarpoq.
Pisassanik paarlaasseqatigiinneq:
- Pisassiissutinik paarlaateqatigiilluni ukiumut isumaqatigiissusiortoqartarpoq, aalisakkat allallu aalisarneqarsinnaaneri kiisalu aalisakkat niuerutigineqarneranni maanna nalingi aallaavigalugit, Erik Jensen akissuteqaammi ilisimatitsivoq.
