Sisimiut: Ivigaasaaqqani arsaattarfissami aserorterisoqartoq
Sisimiuni politiit meeqqat ukiukitsut ingerlatillugillu kommunimut nalunaarutigaat
Sisimiuni ivigaasaaqqani arsaaffissaq suliarineqartoq aserorteriffigineqarsimavoq. Tamanna tallimanngornermi unnukkut pivoq, politiit Sermitsiaq.AG-mut ilisimatitsipput.
Annertunngitsoq
- Annertuumik aserorterisoqanngilaq, pladit arsaattarfimmi atorneqarsimasut milorujussuunneqarsimapput, politiini pigaartoq Julie Senderovitz Bendtsen oqaluttuarpoq.
Politiinut nalunaarutiginninneq nalunaaqutaq 23.36 pisoq ilisimatitsivoq, kingornalu politiit arsaattarfiliarput.
- Meeqqat ukiukitsut naapippagut, kikkuuneri aamma sulerineri pillugu kommunimut nalunaaruteqarpugut. Meeqqat arsaattarfimmit ingerlatinneqarput, pigaartoq oqaluttuarpoq.
Eqqortumik matuneqarsimanngitsoq
Sanaartorfiusoq eqqortumik matuneqarsimanngitsoq, taamaalilluni atortut aamma sakkut tiguneqariaannaasimasut, Julie Senderovitz Bendtsenip aamma ilisimatitsissutigaa.