Sermitsiaq.AG-ip sapaatiummat oqaluttuaraa, Qaqortumi, Nuummi Ilulissanilu mittarfiliortitsinermi missingersuutaasimasunik sippuisoqaraluarpat Kalaallit Airports aamma Naalakkersuisut qanoq pilersaaruteqarnersut, GrønlandsBankenimit ujartorneqartoq.

Aningaaserivimmi inerniliivoq, siunnersuummi sanaartortitsinissamut 3,6 milliard koruuninut akeqassagatinneqarallartumut Namminersorlutik Oqartussat 2,4 milliard koruuninik aningaasaliissuteqarsinnaasut

Pingasunillu mittarfiliortitsinermi inuiaqatigiinnut qanoq sunniuteqarlutillu kinguneqarumaarnersut qulaajaaffigineqaqqaarnissaat pingasunngormat, Siumut tunuliaqutaralugu qinigassanngortittup Evelyn Frederiksenip kaammattuutigaa.

Toqqissisimanarnerpaaq

- Pisariaqartitat naapertorlugit ineriartorneq tamanut toqqissisimanarneq ujartorniartigu, Evelyn Frederiksen allappoq.

Evelyn Frederiksenimi naapertorlugu Aningaasaqarnermut Siunnersuisoqatigiit nalunaarutaat mittarfiliortitsinissamullu pilersaarutit saqqummiunneqartut kingulliit alaannarsinnaanngilagut.

- Inuaqatigiinni 3,6 milliardit koruunit imaluunniit amerlanerusut atornissaaniik sipaarusutissat ukiumut 8 million koruunit tunngavigissallugit annikippallaaqaaq, Evelyn Frederiksen oqarpoq.

-  Inuiaallu akissaqassuserput naapertorlugu nunap iluani angallannikkut nalimmassaaneq ingerlatsigut, Evelyn Frederiksen oqarpoq.

Nikeriarsinnaajunnaarnissamik ernumassuteqartoq

- Nunatut aningaasaaatilissuartut millionilikkaanillu inulittut iliornissarput pissusissamisuunngilaq inuiattut killiffipput eqqarsaatigalugu, taamaattumik aningaasarsiorfissatut ineriartorfissat salliutitsigit aningaasaliiffigalugillu, inuiaat aningaasatigut nikeriarsinnaajunnaarlugit iliortigata, taanna oqarpoq nangillunilu:

- Taamaattumik inatsisartuni pisussaafiusariaqarpoq qulaajagassat tamakkiisut pineqarnissaat.  Ilumut iluaqutaanissaat qulakkeerneqarsinnaappat aap sananiarlik, qulakkeerneqarsinnaanngippali aqqutissat periarfissallu allat aqqutissiuutsigit.