Toqutsisoqarsimasinnaaneranik suliami politiit una angut ujaarivaat
Iggiaani toqutsisoqarsimasinnaaneranik suliamut atatillugu, Nuummi politiit maanna angutip ujaarineqartup assinganik saqqummiussipput.
Inuk ujaarineqartoq ima oqaatigineqarpoq:
- Ujaarineqartoq angutaavoq, kalaallisut isikkulik, 170 cm-it missaanik angissusilik, pualananilu salunngitsoq, atisarivaalu kavaajaq qernertoq aappaluttumik qalipaatilimmik ilormiulik, aammalu taartunik qalipaatilinnik qarlippaalik, politiit Facebookikkut ujaasinerminni allapput.
Innuttaasut ujaarineqartup sumiiffigisinnaasaanik ilisimannittut imaluunniit ujaarisamik takunnittut Politiit pigaartuinut oqarasuaammut 70 14 48-mut saaffiginneqqullugit qinnuigineqarput.
