Umiarsuaq Ilulissat eqqaanni sikorsuit akornanni tissukarpoq
Umiarsuaq nikeriarsinnaajunnaaqqasoq ajoqusersimasorlu ikiorniarlugu Issittumi Sakkutooqarfik Ilulissat tungaannut umiarsuarmik alapernaarsuiartortitaqarpoq.
Sapaatiummat umiarsuarmut Gustav Dalenimut Issittumi Sakkutooqarfiup ikiuukkiartornissaanik qinnuteqartoqareersorlu, umiarsuaq alapernaarsuut Hvidbjørnen Ilulissat tungaannut aallartinneqarpoq.
Umiarsuaq ajoqusersimavoq sikullu akornanni tissukarluni aqunneqarsinnaanani, Issittumi Sakkutooqarfik Facebookimi allappoq.
Gustav Dalen Ilulissat avannaata kitaani 17 sømilit missaanni ungasitsigisumiippoq, aamma annaassiniarnermik pisariaqartitsilertoqannginnissaa Hvidbjørnenip qulakkeertussaavaa:
- Hvidbjørnen tikiukkuni siku aserortissavaa umiarsuarlu nikeriarsinnaanngitsoq Ilulissat umiarsualiviannut tulaallugu, umiarsuaq allatut aniguisinneqareersimanngippat, Issittumi Sakkutooqarfik allappoq nangillunilu:
- Sumiiffimmi tassani ikiuisinnaasumik nassaartoqarpat, Hvidbjørnen Kalaallit Nunaata eqqaani nakkutilliinerminik sakkutuullu suliassaannik ingerlatitseqqissaaq.