Sikuki Nuuk Harbour talittarfimmut meterinik tallimanik takissusilimmut akisussaasuuvoq, ingerlatseqatigiiffiullu katillugu 75 kvadratmeterit iluarsartuunneqarnissaat nalilersorsimavaa.

Sissiukkiaq sinerlugu betonpladit sumiiffinni arlalinni majuartarfinnit ulittartumi tinittartumiillu Nunatta Katersugaasivia sanioqqullugu napisimanngikkunik ajortissimapput.

Iluarsartuussineq

Betonpladit aserorsimasut peerneqassapput. Toqqaviit aamma talittarfiup saava ussiittoqarnersut misissorneqassapput, toqqavillu nutaaq pilersinneqarlunilu isumannaarneqassaaq. Naggataatigut nutaamik qallersuisoqassaaq.

Sikuki suliarinnittussarsioqqammerpoq, iluarsartuussinerlu Nurepa ApS-mit maajip ingerlanerani suliarineqassaaq.

Nutaarsiassat

Isuliffimmi sanaartorfissanik sanaartorfigineqariaannanngortunik nalunaarutiginninneq

Kommuneqarfik Sermersuup nalunaarutigaa Isuliffimmi Qinngutsinniittumi nunaminertanik inuussutissarsiornermut atugassanik qinnuteqarnissamut maanna periarfissaalersoq.

Uku pineqarput:...

Aningaasaqarnermut Inuussutissarsiornermullu Ataatsimiititap ataatsimiinnissaa kinguartinneqarpoq

Aningaasaqarnermut Inuussutissarsiornermullu Ataatsimiititap ataatsimiinnissaa apriilip ulluisa 30-anni pisussaagaluartoq kinguartinneqarpoq. Ataatsimiinnissap ullormut allamut nuutinnissaa...