Tikilluaqqusisarfik containeri qisunnik qalligaq qaavani issiavittalik, Nunatsinni illoqarfiit pingaarnersaannut nunanit allaneersorpassuarnut soqutiginartunik neqerooruteqartussanngorlugu pisatsersorneqaleruttorpoq.

Ungalut sungaartut 

Takornarissat aqqutissartik nalornissutiginnginniassammatigit ungalut sungaartut atorneqarput, sumiiffillu torersuutinneqarpoq, bussinut aamma takornarissanut inissaqarluni.

Puttasut tikittarfiit nutaat

Sikuki Harbourip aamma ulittartumi majuartarfik nutarterpaa, taamaalilluni puttasoqalerluni, qerattaqutit atorlugit immap tinittarneranik ulittarneranillu malinnaasut. Puttasoq tikittarfik allineqarnermigut angallatit takornariartaatit arlallit talinngasinnaapput.

Tamatuma suliarineqarnerani aamma igitassat eqqarneqarput, taarsiullugu issiavinnik ilioraasoqarluni.

Nutaarsiassat

Isuliffimmi sanaartorfissanik sanaartorfigineqariaannanngortunik nalunaarutiginninneq

Kommuneqarfik Sermersuup nalunaarutigaa Isuliffimmi Qinngutsinniittumi nunaminertanik inuussutissarsiornermut atugassanik qinnuteqarnissamut maanna periarfissaalersoq.

Uku pineqarput:...

Aningaasaqarnermut Inuussutissarsiornermullu Ataatsimiititap ataatsimiinnissaa kinguartinneqarpoq

Aningaasaqarnermut Inuussutissarsiornermullu Ataatsimiititap ataatsimiinnissaa apriilip ulluisa 30-anni pisussaagaluartoq kinguartinneqarpoq. Ataatsimiinnissap ullormut allamut nuutinnissaa...